William Westmoreland
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
William Childs Westmoreland | |
---|---|
26 de marzo de 1914 - 18 de chulio de 2005 | |
![]() O cheneral William Westmoreland en una imachen oficial como Chefe d'o Estato Mayor de l'Exercito estausunidense. | |
Información personal | |
Embotada | |
Puesto de naixencia | ![]() |
Puesto de muerte | ![]() |
Información militar | |
Leyaltat | ![]() |
Anyos de servicio | 1936-1972 |
Rango | Cheneral |
Mandos | 504º Rechimiento d'Infantería 187º Rechimiento d'Infantería XVIII Cuerpo d'Exercito aerotransportato Military Assistance Command, Vietnam Chefe d'o Estato Mayor de l'Exercito estausunidense. |
Unidat | |
Batallas/guerras | Segunda Guerra Mundial Operación Torch Operación Husky Batalla d'as Ardenas Guerra de Corea Guerra de Vietnam |
Premios | 3 Distinguished Service Medal 3 Legion of Merit 2 Bronze Star Medal 10 Air Medal |
Atras funcions |
William Childs Westmoreland, naixito o 26 de marzo de 1914 en Saxon (condau de Spartanburg en Carolina d'o Sud, Estaus Unius) y muerto o 18 de chulio de 2005 en Charleston (Carolina d'o Sud), estió un militar estausunidense que plegó dica o ran de cheneral de l'Exercito estausunidense. A suya fama provién d'estar o comandant en cabo d'as operacions militars estausunidenses mientres a Guerra de Vietnam dende 1964 dica 1968.
Estudios y Segunda Guerra Mundial
[editar | modificar o codigo]William Westmoreland estudeó en l'Academia militar de West Point, partecipando en a Segunda Guerra Mundial, a o estió en as campanyas d'a Operación Torch, d'o desembarco en Sicilia, de Francia (Batalla d'as Ardenas en Bastogne dende aviento de 1944 dica chinero de 1945) y d'Alemanya, dica rematar a suya intervención en a guerra plegando a o ran de coronel.
Guerra de Vietnam
[editar | modificar o codigo]![](http://upload.wikimedia.org/wikipedia/commons/thumb/a/af/Robert_S._McNamara_and_General_Westmoreland_in_Vietnam_1965.png/250px-Robert_S._McNamara_and_General_Westmoreland_in_Vietnam_1965.png)
En 1964 o president Lyndon Johnson ninvió a Westmoreland a Vietnam, cuan os Estaus Unius i teneban 16.000 «consellers militars» aduyando a Vientnam d'o Sud, y Westmoreland fue recibito como o comandant que podeba redotar a Vietnam d'o Norte y imponer a democracia en a comarca. Dimpués d'ixo, Westmoreland mandaba una tropa formata por mas de meyo millón de soldatos.
Sindembargo, mandatos por Westmoreland, as tropas d'os Estaus Unius «vencioron en cada batalla dica perder a guerra». O momento que marcó a involución d'a guerra estió a ofensiva d'o Têt en 1968, cuan as tropas comunistas atacoron ciudaz y lugars estendillatos por tot Vietnam d'o Sud. As tropas de l'Exercito estausunidense y de l'Exercito sudvietnamita repelioron os ataques, y as tropas de l'Exercito norvietnamita y d'o Viet Cong sufrioron importants perdugas. Sindembargo, os ataques furos, retransmititos en directo por a televisión a os ciudadans estausunidenses creboron a confianza que a opinión publica estausunidense podría tener en as opinions favorables de Westmoreland sobre o futuro d'a guerra. Un debate politico y a opinión publica feban empenta a l'administración d'o president Johnson ta disminuir o ritmo de creixencia d'o ninvío de tropas estausunidenses a Vietnam u mesmo ta prencipiar a retiradas d'as tropas que i yeran desplegatas.
Asinas, clamoron a Westmoreland a Estaus Unius ta que marchase de Vietnam y lo nombroron Chefe d'Estato Mayor de l'Exercito estausunidense dende 1968 dica 1972.
Retirato de l'Exercito en 1972, Westmoreland morió en chulio de 2005 en un asilo, con 91 anyadas.
O personache
[editar | modificar o codigo]![](http://upload.wikimedia.org/wikipedia/commons/thumb/e/e1/William_Westmoreland.jpg/220px-William_Westmoreland.jpg)
A carrera militar de Westmoreland se fació con presidents republicans u con democratas, y en tenió leyaltat enta unos u enta atros.
Sindembargo, as opinions sobre a suya actuación mientres a Guerra de Vietnam son muit controvertitas. As tropas estausunidenses en Vietnam plegoron dica meyo millón de soldatos, dende una cifra de nomás 15.000 que bi heba cuan Westmoreland hi plegó a o país. Ye asinas uno d'os responsables d'a escalada de medios en a guerra y de muertos y atras victimas (en os dos bandos en conflicto).
Deciba: «He parato cuenta de no dentrar en a politica. Yo yera un soldado y feba una misión ordenata por o comandant en chefe, que yera o president d'os Estaus Unius».
William Westmoreland mai no renegó d'a suya actuación mientres a Guerra d'o Vietnam, incluyindo-ie tirar bombas de napalm en os campos vietnamitas ta fer que os «sublevatos» comunistas albandonasen o territorio. Deciba que a guerra de Vietnam no estió denguna error estausunidense y que a Historia reconoixería a chustificación d'os millons de muertos que heba feito a intervención militar estausunidense en ixe país.
«No ye que haigamos perdito militarment a guerra. Ye nomás que, como nación, no hemos feito garra cosa ta millorar o nuestro compromis en Vietnam d'o Sud».
Vinclos externos
[editar | modificar o codigo]Se veigan as imáchens de Commons sobre William Westmoreland.